El bichoque ye un fenómenu atmosféricu que se produz al llevantar el vientu na superficie de la mar l’agua pulverizada, entós faense cachos d’arcu iris a ras de la...

Esti llibru fala de ti, del to mieu a esnalar anque esnales, del to mieu al futuru anque nun te quede más remediu que tener ún, por si te...

El run ye la mar de fondu, una mar de fondu qu’unes vegaes pregona o barrunta lo que ta por venir, ye indiciu del mal tiempu que s’acerca, de vagamar que vien; otres ye consecuencia, rastru y memoria de lo que pasó, del temporal que quedó p’atrás. Estos poemes son reflexu d’esperiencies y sentimientos, de cachinos de vida, igual que restos que queden nel sable cola marea.

“Vicente García Oliva, que ye un home formal, un opinador d’enfotu, o seya dalguién que s’espresa dende la so honrada intelixencia con un mui sensatu sentíu críticu y, poro, convincente –nun hai más que lleer el so blogue “Trabayu de campu” pa constatalo-, lleva nes entreteles un Vicente un poco menos dulce que’l vermú y con una medio sonrisa picotera y un pocoñín amarga (con pebida dientro); tal ye’l cariz del mundu al que-y tien que poner cara. Ye como si al lleer la prensa na barra del bar les noticies lu dexaren un poco secu y un poco pimpli mesmísimamente como’l vermú, y, home de bien, notara que tenía que dicir daqué. Camiento que dende’l nomatu a la barra fueron arrodiándolu les muses y nun tuvo escapatoria; entamó a dar cuenta de les tapines de cada día. Vicente García Oliva aprendió coles sos olivines a prauticar la doméstica habilidá de pinchar con paliyu y de tirar la pebida con gracia, cola gracia precisa hasta cuando la gracia que la inspira nun tien nenguna gracia…” 

Nos cuasi cuarenta poemes de Patria en pallabres menores Inaciu Galán percuerre la so xeografía sentimental al traviés de delles de les pallabres que configuraron la construcción de la so identidá y la so memoria de mocedá. Un llibru estructuráu en cuatro estayes que sigue la llinia temática de Tierra podre, el so primer poemariu, reflexonando sobre’l pasu’l tiempu, los espacios de vida y la identidá colectiva dende la perspectiva personal.

Autor: Roberto González-Quevedo Sinopsis Nieva en Pesicia  ya los faloupos faen como que pousan na mia manu.  ¿Vienen soncemente?  ¿O caen chenos de furia,  horizontales,  con bardina venganza?  Los qu’agora vivís ail.lí,  ¿podéis contame cómo yía  esa blancura que güei  anubre...